Category Archives: რიუნოსკე აკუტაგავა

ერთი თვითმკვლელობის პორტრეტი- სიკვდილისწინა წერილი

სტანდარტული

რამდენად ჭეშმარიტია მწერლის შემოქმედება,  ამას მკითხველი და დრო წყვეტს. გაცილებით საინტერესო კითხვაა, არის თუ არა შემოქმედება შემოქმედის შინაგანი სამყაროს ანარეკლი, ერთგვარი სარკე მის სულში ჩასახედად. ჭეშმარიტი ხელოვანი სრულებით განიცდის იმას, რაც შემდგომ ფურცელზე გადააქვს. ეს აუცილებელია, საჭიროა, რადგანაც წინააღმდეგ შემთხვევაში, ნაწარმოები უბრალოდ ფუჭი სიტყვათა რახარუხია, რომელიც მოკლებულია ყოველგვარ ემოციას, განცდას. კარგი მკითხველი კი ფარსს ადვილად გრძნობს.

ფანტაზიის უსაზღვრო უნარი საშუალებას აძლევს მწერალს საკუთარი თავი ნაწარმოების გმირის პოზიციაში დააყენოს. განიცადოს, სხეულის ყოველი უჯრედით შეიგრძნოს მის წინაშე დამდგარი პრობლემა, შემდგომ კი გამოსავლის ძებნას შეუდგეს… მაგრამ რა ხდება მაშინ, როცა ნაწარმოების მოქმედი გმირის წინ ერთადერთი გზა რჩება? გზა მოკვდინებისა, საკუთარი ხელით? იგი სუიციდს მიმართავს და უნებურად მწერალიც თავს იკლავს… საკუთარ ფანტაზიაში…

როგორ იკლავდა თავს იაპონელი მწერალი, რიუნოსკე აკუტაგავა, წიგნის ფურცლებზე და რეალურ ცხოვრებაში…

დასაწყისი- ერთი თვითმკვლელობის პორტრეტი- სუიციდამდელი პერიოდი

გაგრძელება- ერთი თვითმკვლელობის პორტრეტი- პრესუიციდური პერიოდი

Ryūnosuke Akutagawa

აღნიშნული წერილი სიკვდილამდე ცოტა ხნით ადრე რიუნოსკე აკუტაგავამ დაუტოვა მეგობარს, მასაო კუმეს. ჩემეული თარგმანი რამდენად გამართულია, განსასჯელად თქვენთვის მომინდვია. გაწეული დახმარებისთვის მადლობა ლუქსს.

რუსულენოვანი ვერსია

***

ანდერძი

წერილი ძველ მეგობარს

დარწმუნებით თვითმკვლელის ფსიქოლოგია ჯერ არავის აღუწერია. ალბათ, ეს აიხსნება თვითმკვლელებისადმი არასაკმარისი სიყვარულით ან მათ მიმართ არასაკმარისი ფსიქოლოგიური ინტერესით. შენდამი ჩემს ბოლო წერილში, მე მინდა გაგაგებინო, რას წარმოადგენს თვითმკვლელის ფსიქოლოგია. რათქმაუნდა, უმჯობესია არ შეგატყობინო ჩემი თვითმკვლელობის გამომწვევი მოტივები. რენიე, თავის ერთ-ერთ მოთხრობაში, აღწერს თვითმკვლელს. მისმა გმირმა თვითონაც კი არ იცის, რატომ მიდის ამაზე. გაზეთის მესამე სვეტში განთავსებულ სტატიებში ერთმანეთისგან სრულიად განსხვავებულ მიზეზებს წააწყდები: ცხოვრებისეული სირთულეები, ავადმყოფობის გამო ტანჯვა, სულიერი განცდები. მაგრამ მე საკუთარი გამოცდილებით ვიცი, როს ეს სულაც არ არის ყველა მოტივი. უფრო მეტიც, ისინი, როგორც წესი,  მხოლოდ იმ გზაზე მიუთითებენ, რომელიც ნამდვილი მოტივის გამოვლენისკენ არის მიმართული.  როგორც რენიე ამბობს,  თვითმკვლელმა ხშირად თვითონაც კი არ იცის, რატომ იკლავს თავს. იგი მოიცავს ურთულეს მოტივებს, რაც განაპირობებს ჩვენ ქცევას.  მაგრამ ჩემ შემთხვევაში, ეს ყოვლისმომცველი განგაშია. განგაში- საკუთარ მომავალზე. შესაძლოა, შენ არ დაუჯერო ამ სიტყვებს. თუმცა ათწლეულების გამოცდილება მასწავლის, ჩემ სიტყვებს, როგორც სიმღერას, ქარი წაქიღებს, სანამ ჩემთვის ახლო ხალხი ისეთ მდგომარეობაში არ აღმოჩნდება, როგორშიც ახლა მე ვიმყოფები. ამიტომაც, მე შენ არ განგსჯი…

ბოლო ორი წელია მხოლოდ სიკვდილზე ვფიქრობ. აი, ასეთ ნერვოზულ მდგომარეობაში წავიკითხე მაინლენდერი. მან მოახერხა შესანიშვად, თუმცა აბსტრაქტულად, დაეხატა სიკვდილისკენ მიმავალი გზა. ეს უთუოა.  მეც მინდოდა იგივე აღმეწერა, თუმცა უფრო კონკრეტულად. ისეთივე, როგორიცაა ამ ყოვლისმომცველი სურვილისას ოჯახის თანაგრძნობა. შენ, რათქმაუნდა ამას Inhuman-ს უწოდებ. მაგრამ თუ ეს ასეა, რომ მე მინდა ჩავიდინო რაღაც არაადამიანური, ეს ნიშნავს, რომ ტვინიდან ძვლამდე არაადამიანი ვარ.

ეს რასაც არ უნდა ეხებოდეს, მე ვალდებული ვარ მხოლოდ სიმართლე ვწერო. (უკვე გავაანალიზე განცდა საკუთარი მომავლის გამო. ვეცადე მთლიანად მომეთხრო მის შესახებ მოთხრობაში „ცხოვრება იდიოტისა“. და მხოლოდ სოციალურმა გარემომ, რომელშიც მე ვცხოვრობ, ჩრდილი, რომელიც მექაჩება ფეოდალური გაგებისაკენ, მაიძულებს გააზრებულად  არ გავაკეთო ეს. რატომ გააზრებულად? იმიტომ რომ ჩვენ, დღევანდელი დღის ადამიანები, ვცხოვრობთ ფეოდალიზმის ჩრდლილში. სცენის გარდა მინდა აღვწერო ფონი, რომელიც წარმოაჩენს პერსონაჟთა ქცევას, უპირველეს ყოვლისა- ჩემსას. ამას გარდა, რაც შეეხება სოციალურ პირობებს, მე არ შემიძლია არ დავეჭვდე, საკმარისად ცნობილია კი ჩემთვის ის სოციალური გარემო, რომელშიც ვცხოვრობ) პირველი, რაზეც დავფიქრდი- როგორ მოვახერხო ტანჯვის გარეშე სიკვდილი. რათქმაუნდა, ყველაზე კარგი მეთოდი ამისათვის თავის ჩამოხრჩობაა. თუმცა, საკმარისი იყო წარმომედგინა საკუთარი თავი აღნიშნულ მდგომარეობაში, ვიგრძენი ამ ყოველივეს ესთეტიური მიუღებლობა. (მახსოვს, როგორ შემიყვარდა ერთხელ ქალი, მაგრამ საკმარისი იყო მენახა, რა უშნოდ წერდა იგი იეროგლიფებს, რომ სიყვარული მაშინვე გაქრა) არ გამომივა ასევე მიზნის მიღწევა წყალში დახრჩობითაც, რადგანაც ცურვა ვიცი. მოლოდინის საწინააღმდეგოდ, თუ მე ეს გამომივა, უფრო მეტად დავიტანჯები, ვიდრე თავის ჩამოხრჩობისას. მატარებლის ბორბლებში სიკვდილიც ასევე უსიამოვნოა ჩემთვის, როგორც უკვე ვამბობდი. გასროლით ან დანით სიკვდილიც არ გამომივა, რადგანაც ხელები მიკანკალებს. აუტანელი სანახავი იქნება ასევე ისიც, როგორ გადმოვხტები მრავალსართულიანი შენობის სახურავიდან. ამ ყოველივედან გამომდინარე, მე გადავწყვიტე, მოვკვდე საძილე პრეპარატების საშუალებით. ტანჯვა ასე უფრო მეტი შემხვდება, თუმცა ეს არ გამოიწვევს ისეთ ზიზღს, როგორც თავის ჩამოხრჩობისას, და ამას გარდა, არ არსებობს იმის საშიშროებაც, რომ ჩემ გადარჩენას მოახერხებენ. ამაში მდგომარეობს აღნიშნული მეთოდის უპირატესობა. მართალია, საძილე საშუალების შოვნა არც ისე მარტივია, მაგრამ მივიღე რა მტკიცე გადაწყვეტილება თავი მოვიკლა, მე შევეცდები გამოვიყენო ჩემს ხელთარსებული ყველა საშუალება, რათა მიზანს მივაღწიო. ამავდროულად შევეცდები მეტი ცოდნა მივიღო ტოქსიკოლოგიაში.

შემდეგი, რაზეც ვიფიქრე- ეს ადგილია, სადაც თავს მოვიკლავ. ჩემი სიკვდილის შემდეგ,  ოჯახის მფლობელობაში უნდა გადავიდეს ჩემი ქონება. ჩემი ქონება: 100 ცუბო მიწა (330.6 კვ.მ), სახლი, საავტორო უფლებები, კაპიტალი, რომელიც შეადგენს 2000 იენს-სულ ესაა. მაღელვებს, რომ  თვითმკვლელობის შემდეგ ჩემი სახლის ცუდი რეპუტაციით ისარგებლებს. ამიტომ მშურდა ბურჟუების, რომელთაც ყოველთვის აქვთ ქალაქგარეთ სახლი.  ჩემი სიტყვები ალბათ გაგაკვირვებს. მე თვითონაც გაოგნებული ვარ, როგორ მომივიდა ეს აზრი თავში. ეს ფიქრები უსიამოვნო იყო ჩემთვის. სხვანაირად არც იქნებოდა. მსურს თავი მოვიკლა ისე, რომ შესაძლებლობის შემთხვევაში ჩემი გვამი ოჯახის გარდა არავინ ნახოს.

მიუხედავად იმისა, რომ თვითმკვლელობის მეთოდიც ავირჩიე, სანახევროდ კვლავ ვიყავი სიცოცხლესთან დაკავშირებული. ამიტომაც დამჭირდა ტრამპლინი. (მე არ ვთვლი თვითმკვლელობას ცოდვად, რაშიც დარწმუნებულები არიან წითურთმიანები (სავარაუდოდ უნდა გულისხმობდეს ევროპელებს). ცნობილია, რომ საკია-მუნიმ ერთ-ერთ თავის ქადაგებაში გაამართლა საკუთარი მოსწავლის თვითმკვლელობა. მისმა მორჩილმა მიმდევრებმა ამას დაუმატეს სიტყვები: „გამოუვალი მდგომარეობისას“.  თუმცა განზე მდგომი მაყურებელი, როცა საუბარია „გამოუვალ მდგომარეობაზე“, არასოდეს აღმოჩენილა მსგავს წარმოუდგენელ სიტუაციაში, რომელიც აიძულებდა მიეღო ტრაგიკული გადაწყვეტილება თვითმკვლელობისა.  თავს ყველა „გამოუვალი მდგომარეობის“ გამო იკლავს, როგორც ეს მას თვითონ ესმის. წინაპრები, რომლელთაც  თვითმკვლელობით დაასრულეს სიცოცხლე, უპირველეს ყოვლისა მამაცნი უნდა ყოფილიყვნენ) ასეთ ტრამპლინად, როგორც წესია, ქალი იქცა. კლაისტი თვითმკვლელობის წინ ხშირად იწვევდა  მეგობარს (მამაკაცს) სუიციდის თანამგზავრად.  რასინსაც სურდა სენაში თავი დაეხრჩო მოლიერთან და ბუალოსთან ერთად. მაგრამ, რაოდენ სამწუხაროც არ უნდა იყოს, მე ასეთი მეგობრები არა მყავს. მართალია, ჩემმა ერთმა ნაცნობმა ქალმა გადაწყვიტა ჩემთან ერთად მომკვდარიყო. პირიქით, წლების მატებასთან ერთად სენტიმენტალური გავხდი. უპირველესყოვლისა, მინდოდა ისე მემოქმედა, რომ ცოლისათვის ზედმეტი ტკივილი არ მიმეყენებინა. ამას გარდა, ვიცოდი, რომ თვითმკვლელობა მარტო უფრო ადვილია, ვიდრე სხვასთან ერთად. ამას თავისი კომფორტი გააჩნია. შეგიძლია თავისუფლად აირჩიო თვითმკვლელობის დრო.

და ბოლოს. შევეცადე გამეკეთებინა ყველაფერი, რომ ოჯახიდან ვერავინ მიმხვდარიყო, რომ თვითმკვლელობას ვგეგმავ. მრავალთვიანი მომზადების შემდეგ საბოლოოდ საკუთარი თავის რწმენა შევიძინე. (ასე იმიტომ  ვწვრილმანდები,  რომ ამას ვწერ არა მხოლოდ მათთვის, ვინც ჩემდამი მეგობრულად იყო განწყობილი. არ მინდა დამნაშავე ვიყო იმაში, რომ თვითმკვლელობის გამო კანონმა ბრალი ვინმეს დასდოს. მინდა აღვნიშნო, რომ ქვეყნად არ არსებობს ამაზე კომიკური სახელი დანაშაულისათვის. თუ ამ კანონს ზედმიწევნით გამოვიყენებთ, დამნაშავეთა რაოდენობა არანორმალურად გაიზრდება. და თუნდაც აფთიაქრები, იარაღის და სამართებლის გამყიდველები განაცხადებენ, რომ „არაფერი იცოდნენ“, მათი სიტყვები მაინც ეჭვს გამოიწვევს, რადგანაც  მათთან მისულ ადამიანებს თავიანთი გამომეტყველება ყოველთვის გასთქვამთ. ამას გარდა, საზოგადოება და მათი წესები თვითმკვლელობის ხელშემწყობია. და ბოლოს, ასეთი დამნაშევეები, როგორც წესი კეთილი გულის ადამიანები არიან.) მე ცივსისხლიანად დავასრულე მომზადება და უკვე სიკვდილის წინაშე მარტოდმარტო დავრჩი. ჩემი შინაგანი მდგომარეობა ახლოა იმასთან, რასაც მაინლენდერი აღწერდა.

ჩვენ, ადამიანები, ცხოველური ბუნებით განვიცდით ცხოველურ შიშს სიკვდილის მიმართ. ეგრეთ წოდებული “სასიცოცხლო ძალა” სხვა არაფერია თუ არა ცხოველური ძალის სხვაგვარი განმარტება. მეც ერთ-ერთი ასეთი ცხოველთაგანი ვარ. მაგრამ, მადის დაკარგვასთან ერთად, ადამიანიც ცხოველურ ძალას თანდათანობით კარგავს. მე ახლა ვცხოვრობ ყინულივით გამჭვირვალე, ავადმყოფი ნერვების სამყაროში. გუშინ საღამოს ერთ მეძავს ვესაუბრებოდი, თუ რამდენს გამოიმუშავებს (!) და მწარედ შევიგრძენი, რა საცოდავები ვართ ადამიანები „მცხოვრებნი იმისთვის, რომ ვიარსებოთ“. რომ შეგვეძლოს სამუდამოდ დაძინება, ბედნიერებას თუ ვერა, სიმშვიდეს მაინც მოვიპოვებდით. კვლავ საკითხავია, როდის მოვიკლავ თავს. მხოლოდ ბუნება გახდა მნიშვნელოვნად მშვენიერი ჩემთვის. შენ თვრები ბუნების მშვენიერების ცქერით და შეიძლება გაგეცინოს იმ ადამიანის წინააღმდეგობრიობაზე, რომელსაც თავის მოკვლა გადაუწყვეტია. საქმე იმაშია, რომ სიკვდილის ჟამს ბუნების საოცრებანი ჩემს თვალებში აისახება. მე ვხედავდი, მიყვარდა და ბოლოსდაბოლოს გამეგებოდა მეტი, ვიდრე სხვა ადამიანებს. და ეს ყოველივე, მიუხედავად იმისა, რომ ბევრ ტანჯვას მაყენებს, რაღაც სიამოვნებასაც მგვრის. ძალიან გთხოვ, ჩემი სიკვდილის შემდეგ რამდენიმე წლის განმავლოლბაში ნუ გამოაქვეყნებ ამ წერილს. შესაძლოა, თავი ისე მოვიკლა, თითქოს ავადმყოფობით მოვკვდი.

შენიშვნა. მე წავიკითხე ემპიდოკლის ბიოგრაფია და ვიგრძენი, თუ რაოდენ ღრმა წარსულიდან მოდის სურვილი, გახდე ღმერთი. ჩემს აღნიშნულ წერილში, ყოველშემთხვევაში, გააზრებულად მაინც, მე არ ვცდილობ საკუთარი თავი ღმერთად ვაქციო. პირიქით, თავს საცოდავ ადამიანად წარმოვაჩენ. გახსოვს, როცა წმინდა ფიკუსის ქვეშ ვიჯექით და განვიხილავდით ემპიდოკლს, რომელიც ეტნას კრატერში გადაეშვა? მაშინ მეც ერთ-ერთი მათგანი ვიყავი, ვისაც ღმერთად ქცევა სურდა.

1927 წელი.

Advertisements

ერთი თვითმკვლელობის პორტრეტი- პრესუიციდური პერიოდი

სტანდარტული

რამდენად ჭეშმარიტია მწერლის შემოქმედება,  ამას მკითხველი და დრო წყვეტს. გაცილებით საინტერესო კითხვაა, არის თუ არა შემოქმედება შემოქმედის შინაგანი სამყაროს ანარეკლი, ერთგვარი სარკე მის სულში ჩასახედად. ჭეშმარიტი ხელოვანი სრულებით განიცდის იმას, რაც შემდგომ ფურცელზე გადააქვს. ეს აუცილებელია, საჭიროა, რადგანაც წინააღმდეგ შემთხვევაში, ნაწარმოები უბრალოდ ფუჭი სიტყვათა რახარუხია, რომელიც მოკლებულია ყოველგვარ ემოციას, განცდას. კარგი მკითხველი კი ფარსს ადვილად გრძნობს.

ფანტაზიის უსაზღვრო უნარი საშუალებას აძლევს მწერალს საკუთარი თავი ნაწარმოების გმირის პოზიციაში დააყენოს. განიცადოს, სხეულის ყოველი უჯრედით შეიგრძნოს მის წინაშე დამდგარი პრობლემა, შემდგომ კი გამოსავლის ძებნას შეუდგეს… მაგრამ რა ხდება მაშინ, როცა ნაწარმოების მოქმედი გმირის წინ ერთადერთი გზა რჩება? გზა მოკვდინებისა, საკუთარი ხელით? იგი სუიციდს მიმართავს და უნებურად მწერალიც თავს იკლავს… საკუთარ ფანტაზიაში…

როგორ იკლავდა თავს იაპონელი მწერალი, რიუნოსკე აკუტაგავა, წიგნის ფურცლებზე და რეალურ ცხოვრებაში…

დასაწყისი- ერთი თვითმკვლელობის პორტრეტი- სუიციდამდელი პერიოდი

akutagawa-10

პრესუიციდალური პერიოდი- ესაა პერიოდი თვითმკვლელობის აზრის გაჩენიდან საკურივ სუიციდამდე. ძირითადად ამ დროს იკვეთება ანტივიტალური აზრები. აღნიშნულ პერიოდში ორი ეტაპი შეიძლება გამოვყოთ:

  1. პასიური სუიციდალური აზრების გაჩენა, ფანტაზირება საკუთარ სიკვდილზე.
  2. სუიციდალური განზრახვები: თვითმკვლელობის დაგეგმვა, დროის, ადგილის, მეთოდის შერჩევა

– თქვენ ყველას, ალბათ, ჯერ კიდევ დიდი წყურვილი გაქვთ ცხოვრებისა, ჰა?
– დიახ… მაგრამ აკი თქვენც…
– არა, მე აღარ! შემოქმედების წყურვილი შემომრჩა მხოლოდ, მაგრამ…
მართლაც ასე გრძნობდა. შეუმჩნევლად დაკარგოდა ცხოვრების ხალისი. – შემოქმედების წყურვილი იგივე ცხოვრების წყურვილია.

ანტივიტალური აზრების პარალელურად, მწერლის შემოქმედებაში პირველად ჩნდება ფანტაზიები საკუთარ სიკვდილზე, მოთხრობაში „სიკვდილის შემდეგ“ (1925 წ), მიუხედავად ამისა, მწერალი არ კარგავს თვითკრიტიკას და საკუთარ სიკვდილს, რომელიც სიზმრის სახით გამოხატა ნაწარმოებში, შეფასებასაც აძლევს:

„ცოლთან მიმართებაში საოცრად ეგოისტურად მოვიქეცი… მე საშინელი ეგოისტი ვარ.“

აღნიშნული ტიპის თვითკრიტიკა საშუალებას გვაძლევს ვიფიქროთ, რომ ავადმყოფური ჩანაფიქრის საპასუხოდ, აქტიურდ არის ჩართული ანტისუიციდალური მექანიზმი, რომლის სიძლიერეზეც არის ხოლმე დამოკიდებული პროცესის საბოლოო გამოსავალი. თუ აღნიშნული მექანიზმი იმძლავრებს სუიციდალურ ფიქრებთან ლოგიკური მსჯელობით ბრძოლაში, ადამიანი თვითმკვლელობის აქტს არ ახორციელებს. აღნიშნული ტიპის სამკვდრო-სასიცოცხლო შერკინება საუკეთესოდაა წარმოჩენილი აკუტაგავას მთლიანი შემოქმედების ერთ-ერთ საუკეთესო მოთხრობაში – „დიალოგი წყვდიადში“.

ფსიქიატრიული მიდგომის კუთხით, აღნიშნული ნაწარმოები  პრესუიციდალურ პერიოდში მყოფი ადამიანის  ფიქრების  ქრესტომატიულ ნიმუშად შეიძლება მივიჩნიოთ.

***

ხმა. ეტყობა არ გეშინია სიკვდილისა? ჰა?

მე. მეშინია, მაგრამ არ მიმძიმს. ჩემივე ნებით არაერთხელ გამიყრია ყულფში თავი. და ოციოდე წამის ტანჯვის შემდგომ, ასე გასინჯე, რაღაც სასიამოვნო განცდაც კი მეუფლებოდა ხოლმე. მე უყოყმანოდ შემიძლია მოვკვდე არა მარტო მაშინ, როცა სიკვდილს თვალებში ჩავცქერი, არამედ მაშინაც, როცა რაიმე უსიამოვნო შემემთხვევა.

***

ხმა. მაგრამ თავს მაინც არ იკლავ. ეტყობა, მართლავ გაგაჩნია ერთგვარი ძალა.

მე. არაერთხელ დავაპირე თავის მოკვლა. მინდოდა ჩემს სიკვდილს ბუნებრივი ელფერი ჰქონოდა და ამიტომ, ყოველდღიურად ათ-ათ ბუზს ვჭამდი.

ანალოგიური სურათი იხატება ასევე სიკვდილის წინ დაწერილ მოთხრობაში “ცხოვრება იდიოტისა”

ისარგებლა, რომ მარტო ეძინა და ფანჯრის ცხაურზე თავის ჩამოხრჩობა სცადა ქამრით. მაგრამ გაუყარა თუ არა კისერი ყულფში, შეეშინდა სიკვდილისა. არა, იმიტომ არ შეშინებია, რომ ბოლო წუთებში ტანჯვის გადატანა მოუხდებოდა. გადაწყვიტა, გაემეორებინა ცდა, გაეზომა დახრჩობისათვის საჭირო დრო. და აი, მცირედი წვალების შემდეგ იგრძნო, რომ გონება ებინდებოდა. ცოტაც და, გათავდებოდა კიდეც. თვალი უსწორა საათის ისრებს, და ცხადი გახდა, რომ ჭირთათმენა წუთსა და 20 წამს გრძელდებოდა.

აქ ნათლად ვხედავთ, რომ აკუტაგავას გონება სუიციდურ ჩანაფიქრებს მთლიანად მოუცავს. სახეზეა თვითმკვლელობის მეთოდების ძიება. აღსანიშნავი და ყურადსაღები ის ფაქტი გახლავთ, რომ დეპრესიას ისე მოუცავს მწერლის მთლიანი შინაგანი სამყარო, რომ ის სიცოცხლესთან გამოთხოვებისთვის განსაკუთრებულ მიზეზს არ საჭიროებს. ამ ყოველივეს საპასუხოდ, მეტად აქტიურად მუშაობს ანტისუიციდალური ფაქტორების წარმოჩენა: ფიქრები ოჯახზე, საკუთარ სამწერლობო საქმიანობაზე, ვალდებულება მასწავლებლის წინაშე, მაგრამ ამ ყოველივესაც ეტაპობრივად აბათილებს შემდგომ მსჯელობაში:

ხმა. ჰო, მაგრამ პასუხისმგებლობას რაღას უპირებ?

მე. ერთ მეოთხედზე ჩემმა წარმომავლობამ აგოს პასუხი, მეორე მეოთხედზე – გარემო პირობებმა, მესამე მეოთხედზე – შემთხვევითობამ, ჩემდა წილად პასუხისმგებლობის ერთი მეოთხედიღა რჩება.

საკუთარ პასუხიმგებლობას მწერალი კარგად აანალიზებს, რასაც მივყავართ იმ დასკვნამდე, რომ აღნიშნული ავადმყოფური აზრის საპასუხოდ კრიტიკა არსებობს, რაც საერთოდ იკარგება მის სიკვდილისწინა მოთხრობებში. ასევე იკვეთება ადამიანის არსის შესახებ ძირეული კითხვა, რაც აკუტაგავას კრიტიკის სიღრმეზე მიგვანიშნებს:

მაგას მეც ვფიქრობ: ვინა ვარ, ბოლოს და ბოლოს?

ამ ყოველივეს პარალელურად ჩნდება შემდეგი ტიპის აზრები:

არა, მე არ გამაჩნია ვაჟკაცობა. გულადი რომ ვიყავი, ჩემივე ნებით კი არ ჩავუვარდებოდი ლომს ხახაში, მოვუცდიდი, როდის გადამსანსლავდა თვითონ.

მე არ გამაჩნია სინდისი. მე ნერვები მაქვს მხოლოდ.

ჩემი ნაწერები არ გამოირჩევა ორიგინალობით.

აქ რთული სათქმელია, რასთან გვაქვს საქმე. თუკი მსგავსი სახის თვითბრალდების აზრები მოკლკებულია რეალურ საფუძველს, მაშინ შეგვიძლია მივიჩნიოთ, რომ სახეზეა დეპრესიული ტიპის ბოდვითი აზრები. მეორეს მხრივ, ეს შესაძლოა გახლდეთ აკუტაგავასეული კრიტიკული თვითშეფასება. აღნიშნულთან დაკავშირებით მეტად საინტერესო იქნებოდა დამატებითი ფაქტების ცოდნა მისი ბიოგრაფიის შესახებ ობიექტური კუთხით. თუმცა, ჩემი აზრით, მსგავსი აზრები (და არა ბოდვა), თავისთავად მიუთითებს ღრმა დეპრესიაზე. მისი ხასიათის დაზუსტება კი ფსიქიატრიული დიაგნოსტიკის თვალსაზრისით იქნებოდა საინტერესო და ინფორმატიული.

აღნიშნული სახის დეპრესიული აზრების საპასუხოდ კვლავ ჩნდება საპასუხო მსჯელობაც, რომელსაც იქვე უარყოფს აკუტაგავას გონება:

ხმა. გაიხსენე უაილდი. სამი წელი რომ გაატარა ციხეში. იგი ამბობდა: “თავს მხოლოდ საზოგადოებისგან დამარცხებული კაცი იკლავს”.

მე. უაილდმა არაერთხელ განიზრახა თავის მოკვლა ციხეში და თუ არ მოიკლა, მხოლოდ იმიტომ, რომ ვერ მოახერხა.

სახეზეა ანტისუიციდალური ფაქტორების წარმოჩენის საუკეთესო მაგალითი, თანშერთული ლოგიკური მსჯელობით, კრიტიკით. აღნიშნული განსჯითი ფიქრის პროცესის არეალი საკმაოდ დიდია და თავისთავში მოიაზრა თითქმის ყოველგვარი სახის არგუმენტი სიკვდილის წინააღმდეგ სიცოცხლის სასარგებლოდ, მაგრამ, მიუხედავად ამისა, აკუტაგავა წერს:

არაფერი დამრჩენია გარდა იმისა, რომ ჩემს ჭკუაზე მოვკვდე.

თუმცა, ნაწარმოების დასასრულს ჩანს, რომ ანტისუიციდალურმა აზრებმა გამარჯვება მოახერხეს ამ ეტაპზე, რამაც მწერალს სიცოცხლის 8 თვე მოაგებინა

აკუტაგავა რიუნოსკე! აკუტაგავა რიუნოსკე! უფრო ღრმად ჩაეზარდე მიწას ფესვებით. შენ ლერწამი ხარ, ქარისაგან რხეული. იქნებ შენს თავზე მოგროვილი საავდრო ღრუბლები ოდესმე განიფანტოს კიდეც. ამიტომ მტკიცედ უკდა იდგე ფეხზე. შენივე თავისთვის! შენთა შვილთათვის! ნურც გაამპარტავნდები, ნურც დაიმცირებ თავს. და შენ აღსდგები.

1927 წლის 7 აპრილს რიუნოსკე აკუტაგავა დაწერს:

წერის თავი აღარ მაქვს. ამგვარ სულიერ მდგომარეობაში ცხოვრება აუტანელი ტანჯვაა! ნუთუ არ გამოჩნდება ვინმე ისეთი, ვინც წყნარად მიმახრჩობს, სანამ მძინავს?

და მაინც, რატომ წააგო თითქმის მოგებული ომი მწერალმა საკუთარ გონებასთან, რამაც ის კვლავ სიკვდილის აუცილებლობამდე მიიყვანა? აღნიშნულ საკითხებზე ვისაუბრებთ პოსტში ” აკუტაგავას სუიციდის ორგანული მიზეზები”

წყარო: ბურუსი

“დიალოგი წყვდიადში”

“ცხოვრება იდიოტისა”

ერთი თვითმკვლელობის პორტრეტი- სუიციდამდელი პერიოდი

სტანდარტული

რამდენად ჭეშმარიტია მწერლის შემოქმედება,  ამას მკითხველი და დრო წყვეტს. გაცილებით საინტერესო კითხვაა, არის თუ არა შემოქმედება შემოქმედის შინაგანი სამყაროს ანარეკლი, ერთგვარი სარკე მის სულში ჩასახედად. ჭეშმარიტი ხელოვანი სრულებით განიცდის იმას, რაც შემდგომ ფურცელზე გადააქვს. ეს აუცილებელია, საჭიროა, რადგანაც წინააღმდეგ შემთხვევაში, ნაწარმოები უბრალოდ ფუჭი სიტყვათა რახარუხია, რომელიც მოკლებულია ყოველგვარ ემოციას, განცდას. კარგი მკითხველი კი ფარსს ადვილად გრძნობს.

ფანტაზიის უსაზღვრო უნარი საშუალებას აძლევს მწერალს საკუთარი თავი ნაწარმოების გმირის პოზიციაში დააყენოს. განიცადოს, სხეულის ყოველი უჯრედით შეიგრძნოს მის წინაშე დამდგარი პრობლემა, შემდგომ კი გამოსავლის ძებნას შეუდგეს… მაგრამ რა ხდება მაშინ, როცა ნაწარმოების მოქმედი გმირის წინ ერთადერთი გზა რჩება? გზა მოკვდინებისა, საკუთარი ხელით? იგი სუიციდს მიმართავს და უნებურად მწერალიც თავს იკლავს… საკუთარ ფანტაზიაში…

როგორ იკლავდა თავს იაპონელი მწერალი, რიუნოსკე აკუტაგავა, წიგნის ფურცლებზე და რეალურ ცხოვრებაში…

გაგრძელება- ერთი თვითმკვლელობის პორტრეტი- პრესუიციდური პერიოდი

ryonusuke

***

სანამ შემოქმედის ნაწარმოებთა ქრონოლოგიურ ანალიზს მივყოფ ხელს, მცირეოდენი ინფორმაცია ფსიქიატრიიდან.

სუიციდალური ქმედების დინამიკაში გამოყოფენ პერიოდებს: სუიციდამდელი პერიოდი, პრესუიციდალური პერიოდი და საკუთრივ სუიციდი. პრესუიციდული პერიოდი შეიძლება იყოს მწვავე (რამდენიმე წუთის ხანგრძლივობის) და ქრონიკული (რამდენიმე თვის ხანგრძლივობის)  სუიციდის აქტი სუიციდამდელი და პრესუიციდური პერიოდების აუცილებელ გაგრძელებას არ წარმოადგენს.

***

აკუტაგავას მთლიან შემოქმედებას თუ გადავავლებთ თვალს, ყურადღებას მიიპყრობს ის ფაქტი, რომ მისი ნოველები ყოველთვის ერთგვარი სევდით არის განმსჭვალული. მსგავს დეპრესიულ განწყობაზე და აღნიშნული კაეშანის მიზეზებზე მოგვიანებით ვისაუბრებთ. ამჟამად, სრულიად სხვა რამეს მინდა მივაპყრო თქვენი ყურადღება. შევეცდები, ამ კონკრეტული თვითმკვლელობის დინამიკის კლინიკური ნიშნები ამოვიცნო და წარმოვაჩინო მწერლის შემოქმედებაში.

***

სუიციდამდელ პერიოდში აღინიშნება მარტოსულობის განცდა, ანჰედონია (სიხარულის განცდის გაქრობა), ცხოვრებისეული წარუმატებლობის განცდა, შემოქმედებით საქმიანობაში სიკვდილის თემის წინ წამოწევა.

ზოგადად, სიკვდილის თემას აკუტაგავას ადრეულ ნაწარმოებებშიც ვხვდებით, მაგრამ მას ძირითადად მორალურ- ტრადიციული დატვირთვა გააჩნია და მოქმედ პერსონაჟთა შინაგან სამყაროსთან მჭიდრო კავშირშია (სანემონის დანაშაული წყარო: litklubi.ge) ყურადსაღებ ფაქტად მეჩვენა, მისი 1923 წლის დეკემბრით დათარიღებული მოთხრობა, „მიწის ნაგლეჯი“. ნაწარმოებში აღწერილია უკაცოდ დარჩენილი  ოჯახის რთული ყოფა და ამ ფონზე  რძალ-დედამთილური ურთიერთობა. მძიმე ფიზიკური შრომა მოხუც დედამთილს ძალას არმევს და ერთგვარად აიძულებს მას სიკვდილზე იოცნებოს.

ის ნათლად მიხვდა ერთს: რამდენიც არ უნდა ეცადოს, მოსვენებას ვერ ჰპოვებდა, სანამ სამუდამოდ არ დახუჭავდა თვალებს

სუიციდამდელი პერიოდის ათვლის წერტილად მწერლის შემოქმედებაში სწორედ ეს ნოველა მივიჩნიე. შემდგომში გამოქვეყნებულ ნაწარმოებებში სიკვდილის, დაღლილობის და ცხოვრების გაუსაძლისობის თემები უფრო და უფრო წინა პლანზე იწევს.

საოცრად მძიმე და სულისშემძვრელი გამოდგა მისი მოთხრობა „სიცივე“, რომელიც 1924 წლის აპრილში იწერება. მწერალი  მაღალმხატვრულობით აღწერს მატარებლის რელსებში ჩავარდნილი კონტროლიორის გვამიდან მომდინარე სიხლს. ამ ყოველივეს იმდენად საოცრად ახერხებს მწერალი, რომ შეუძლებელია ძრწოლამ არ აგიტანოთ… სიკვდილის ძრწოლამ…

მკვეთრი, ალისფერი ლაქა, ცივად მოელვარე რკინაზე, წამის გაელვებაში დაღივით დააჩნდა მის სულს. ამასთან ერთად, სისხლს მსუბუქი ორთქლიც ასდიოდა

აღნიშნულმა მოთხრობამ დამაფიქრა, რომ მწერალი სიკვდილის ესთეტიურ მხარეზე ჩაფიქრდა, რაც შემდგომში მის მიერვე არჩეულ თვითმკვლელობის მეთოდშიც გამოიხატა.

„სიცივის“ კვალდაკვალ, აპრილშივე იწერება მოთხრობა „წერილის ნაგლეჯი“. ნაწარმოებში შემოქმედი გადმოგვცემს  ნაპოვნი წერილის ფრაგმენტს, სადაც მისსავე შემოქმედების განსჯას ცდლობს ხელნაწერის ავტორი. რამდენად რეალურია აღნიშნული, რთული სათქმელია. საუბარი მაქვს წერილის პოვნის ფაქტზე, მაგრამ მის მიმართ გამოთქმული კრიტიკა, დიდის ალბათობით შესაძლოა აკუტაგავას კალამსვე ეკუთვნოდეს.

მაგრამ, როდესაც რიუნოსკე აკუტაგავა წავიკითხე- აი, სულელი!

საყურადღებოა ის ემოცია, რაც ნაწარმოების ბოლო წინადადებაშია ჩადებული და ნათლად მიგვანიშნების მწერლის შინაგან განცდებზე:

‘წერილის ნაგლეჯი ღრმად ჩავჩარე მაგიდის უჯრაში. იქ, სხვა ძველ წერილებთან ერთად, ყვითლდება და უფერულდბა ჩემი ოცნებები“

აქ ნათლად ვხედავთ სევდას, სინანულს, ცხოვრებაში ხელმოცარულობის განცდას, რომელსაც აკუტაგავას გონება მოუცავს.

1925 წლის იანვარში იწერება მოთხრობა „ცხენის ფეხები“, რომელიც იმითაც არის საინტერესო, რომ მასში დეტალურად არის აღწერილი დეპერსონალიზაციის კლინიკური სურათი, რასაც მოგვიანებით უფრო დეტალურად განვიხილავთ აკუტაგავას თვითმკვლელობის ორგანული მიზეზების ძიებისას. ჩემი ყურადღება მიიქცია მთავარი პერსონაჟის ცხოვრების ერთ წინადადებაში შეფასებამ

ჩვეულებრივი და უფერული- ასე განსაზღვრავდით მის პიროვნებას. ასეთივე გახლდათ მისივე ცხოვრებაც.

მსგავსი დეპრესიული ტიპის შეფასება თითქოს მისსავე ცხოვრებას აღწერს, გაუფერულებულს, სიხარულ დაკარგულს. მოვლენებს წინ გავუსწრებ და მოვიყვან ერთ პატარა ნაწყვეტს სიკვდილის წინ დაწერილი ავტობიოგრაფიული მოთხრობიდან – „ცხოვრება იდიოტისა“ (წყარო: burusi.wordpress.com)

იგი იყნოსავდა ჩვილის სუნს, თაგვისას რომ ჰგავდა და უნებლიეთ მწარე ფიქრები ეძალებოდა:
“რისთვის დაიბადა ამ ტანჯვა-ურვით სავსე ქვეყანაზე? ბედმა რად არგუნა მამად ჩემისთანა კაცი?”.
და ეს იყო პირველი ბიჭი, მისმა ცოლმა რომ შვა.

ნათლად იგრძნობა, რომ ანჰედონია მძლავრად გამჯდარა მწერლის შინაგან სამყაროში და მთლიანად მოუცვია მისი პიროვნება. ამიტომაცაა, რომ დადებითი ემოციების ნაცვლად, ეს სასიხარულო ამბავი მასში მხოლოდ დეპრესიული ტიპის ბოდვით აზრებს იწვევს.

1925 წელს დაწერილ მოთხრობაში „წერილი კურორტიდან“ მწერლის ფანტაზიაში, მის აზრებში პირველად ჩნდება თვითმკვლელობის, როგორც ცხოვრებასთან ანგარიშის გასწორების საკითხი. აღნიშნული მოთხრობა შემიძლია მივიჩნიო სუიციდის დინამიკის მორიგ საფეხურზე, პრესუიციდალურ პერიოდზე, გადასვლად, რომლის შესახებაც დაწვრილებით შემდეგ პოსტში ვისაუბრებ.